Proclamatie:
Ich prins Raphael 1e en ich prinses Nathalie 1e,
Heersers euver ut Narre Riek van de Nachuule. Graaf en Gravin van Nirve. Jonkheer van de Minor en Jonkvrouw van ein hoesartse praktijk.
Veer proclameren en verordenen ut volgende:
Ten Ièrstje:
Dat veer ozze veurgangers prins Lars, prinses Judith, jeugdprins Mika en jeugdprinses Fenna wille bedanke veur unne geweldige carnaval dat geer os de aafgeloape 3 jaor hubt gegeeve.
Ten Twiede:
Dat veer uch beloave om same mit os jeugdprinsepaar en mit alle Nachuule en Nachuulinekes er weer ein super gezellig joar van te maken.
Ten Derde:
Dat veer hie super trost sjtoon als prinsepaar naodat veer allebei al hubbe kinne oefene es prins van de voetbal en es prinses van de handbal.
Ten Veerde:
Dat veer noe misjiens op ozze eige prinsewage maoge sjtaon in plaats van deze zelf te boewe mit ozze vrung van de Breuker Noebbele.
Ten Viefde:
Dat veer al ein Vastelaovesjubileum höbbe, echt waor. Veer zint al un tidje same, al 3x 11 jaor.
Ten Zesde:
Dat veer probere om 11 minuten ièrder te komme en 11 minuten later te vertrèkke zodat veer ut feest 22 minuten kinne rèkke.
Ten Zievende:
Dat ich mit pien in mien hart de raod van elf veur ein jaor mot verlaote, mer ich beloaf uch, ut wuurt ein jaor waor veer nog lang euver zulle praote.
Ten Achste:
Dat es ich mut de carnaval koppien hub of last van de maag, mien prinses is doktersassistente, en da’s erg mekkelijk mit dees daag.
Ten Neugende:
Dat veer op as-goonsdag kinne zigge…. good woar ut beer, sjoen waor de muziek…. lekker waor de wien, wat woar ut toch sjiek.
Ten Tiende:
Dat veer de carnaval neet telle in dagen mer in oere en daorum dit al get lang vingen doere.
Ten Elfde:
Leaf in het hui en in ut noe, aan de kant mit alle zurge, leaf vandaag en wacht zeker neet tot mörge! Genog gezag… leaf en geneet, dat letste rundje kinne veer neet.
Veurgeleze te Nuth op de 2e zondig van de iersjte moand van 2023.
Alaaf…Alaaf…Alaaf