Proclamatie:
Ich Prins Marcel 1e en Prinses Esther 1e bie de grazie van den Uul en ziene wieze road
Heersers euver t Nachuuleriek
Graaf en Gravin van de Schmeddingstroat
Groot-Hertog van de Minor en Jonkvrouw van Oalbeek
Proclameren én verordenen;
Ten Ierste:
Dat veer oud Prins Raphael 1e en oud Prinses Nathalie 1e en ’t jeugprinsenpaar Desse I en Amber II wille bedanke veur ’t fantastische carnavalsseizoen van 2023.
Ten Tweede:
Dat veer d’r samen mit ’t jeugdprinsenpaar en alle Nachuule en Nachuulinnekes weer ein fantastisch joar van goan maken.
Ten Derde:
Dat os kinger, Milan en Evy, ’t geweldig vinge dat pap en mam hie noe als Prinsenpaar sjtoan en zie neet kinnen wachten tot de carnaval echt geit beginne.
Ten Veerde:
Dat veer os in 2015 hubbe leren kinne wie ich Prinses woar bie de Minor en de cirkel dan noe gans rond is
Ten Viefde:
Dat de mannen van mien dartteam ut een paar weake zonger mich motte sjtillen en dat ut Veerde van de Minor de kommende zondigen hun eigen gaten zulle motten toe laupen
Ten Zesde:
Dat ich vreuger, wie ich bie de jeugdroad van de Beumerwalders zoat, ervan druimde om Jeugdprinses te weare. En ich blie bin dat miene druim noe toch eindelijk is oetgekommen.
Ten Zevende:
Dat ver d’r lang op hubbe motte wachten, mer dat de Schmeddingsjtroat noe eindelijk omgedoopt kint were tot Prinsensjtroat!
Ten Achtste:
Dat mien leef collega’s van ut MUMC de kommende tied get extra paracetamols veur mich achter de hand motten houden.
Ten Neugende:
Dat ich opgelucht bin dat ver toch nog unne steek hubbe kinne vinge wat op miene bullus past.
Ten Tiënde:
Dat veer neet kinnen wachten tot ut moment dat veer samen boave op dea wagen door de sjtroaten van Nuth moagen trikken.
Ten Elfde:
Leef luuj, Loaten veer geneete van t leave en samen eine fantastische carnaval goan beleave!!!
Veurgeleze te Nuth op de iersjte zoaterdig van de iersjte moand van ut joar 2024.
ALAAF, ALAAF, ALAAF!
