Proclamasie Jeugprins MILAN II en Jeugprinses ZOEY I
Veer,
Jeugprins Milan d’n twiëde van CV de Nachuule,
Groët-Hertog van de Barbarasjtaot,
Graaf van de Bolster en de Minor,
Zoën van Patricia en Bjorn
en
Jeugprinses Zoey de iësjte van CV de Nachuule,
Groët-Hertogin van Tervoesj,
Gravin van de Bolster en de Blauwe Sjtein,
Dochter van Kelly en Theo
verordene en proclamere:
ten iësjte: Dat mien Mam, Marco en Finn grüetsj maoge zeen, dat ze unne échte Prins in hun gezin hubbe.
ten twiëde: Dat mien Mam, miene Pap en Jaimy auch grüetsj maoge zeen, dat ze un échte Prinses in hun gezin hubbe.
ten derde: Dat de kinger oet de groepe ziëve van de Bolster os maoge begeleide es “Jeugraod van Elluf”.
ten veerde: Dat alle kinger van Nuth auch dit joar mit motte doon aan de Kingeroptoch.
ten viefde: Dat alle kinger tot aan de Carnaval alle computers mèt rus motte laote, zoëdat ze get kinne make veur de Kingeroptoch.
ten zesde: Dat veer auch dit joar bie de JeugGalaZitting mit ôzze eige Jeugraod van Elluf op de bühne maoge zitte.
ten ziëvende: En dat de ouwesj van achter oet de zaal weer lekker mit kinne kieke.
ten achste: Dat alle kinger mit de polonaises achter os, ut Jeugprinsepaar, motte aansjlete!!!
ten neugende: Dat ich veul goale maog make veur mien voetbalteam;
ten tiënde: Dat ich veurzichtig zal zeen mèt paerdrieje op de manaesj.
ten ellufde: Dat veer mit karnaval veul sjpass en plezeer gaon make en dat de kinger hun ouwesj good in de gate zulle houte.
Geproclameerd en veurgelaeze in ut Nachuule-Riek,
op de zesde jannewarie van ut joar 2024.
“Alaaf !!!” – “Alaaf !!!” – “Alaaf !!!”
